चित्र बहादुर मन पर्छ भन्ने जनता हो ।
राजमोले राम्रो गर्छ भन्ने जनता हो ।।
लौ अब बेला आयो , राजमोको लहर छायो ।
यही आउने चुनावमा, भोट हालौं गिलासमा ।।
राष्ट्रिय जनमोर्चालाई भोट माग्दै रक्तिम सांस्कृतिक अभियानका कलाकारहरुले नयाँ गीत बजारमा ल्याएका छन् । जनगायक एवम् रक्तिमका उपाध्यक्ष हेमराज आश्रम नेतृत्वको टिमले गीतको अडियो हालै सार्वजनिक गरेको हो ।
आम जनतामा राष्ट्रिय जनमोर्चाका अध्यक्ष चित्रबहादुर केसीको छवी त्यागी, निष्ठावान र दृढ इच्छाशक्ति भएका नेताको रुपमा चित्रित छ ।
राष्ट्रिय जनमोर्चा राष्ट्रवादी र जनतन्त्रको मुख्य पहरेदार पार्टी हो भन्ने कुरा जनतालाई बुझाइरहनु पर्दैन । तैपनि राजमोको आकार सानो छ ।
त्यसैले यो गीतमा पाँच वर्षमा आउने आम चुनाव असल र जनपक्षीय उम्मेदवार एवम् पार्टी रोज्ने अवसर हो भन्ने सन्देशसहित राजमोलाई भोट हाल्न आग्रह गरिएको छ ।
हेमराज आश्रमको रचना तथा संगीत रहेको यो गीतमा स्वर पनि हेमराज र गायीका रितु पुनको रहेको छ । उहाँहरुलाई इन्द्रबम मल्ल, पदम बिसी, रेखा राउत र पारु राउतले साथ दिनुभएको छ ।
सन्जय पाल्पालीले मिक्सिङ गर्नुभएको गीत मुर्चुङ्गा स्टुडियोमा रेकर्डिङ गरिएको हो । गीतको अडियो आश्रम म्युजिकमार्फत सार्वजनिक गरिएको हो ।
गीतको प्रकाशन गण्डकी प्रदेशका पूर्वसांसद एवम् रक्तिमका कलाकार पियारी थापाले गर्नुभएको हो ।
गायक आश्रमका अनुसार ‘जनमोर्चा मन पर्छ’ भर्जनमा पनि छिट्टै गीत सार्वजनिक गरिने छ ।
गीतले भन्छ
चित्र बहादुर मन पर्छ भन्ने जनता हो ।
राजमोले राम्रो गर्छ भन्ने जनता हो ।।
लौ अब बेला आयो, राजमोको लहर छायो ।।।
यही आउने चुनावमा, भोट हालौं गिलासमा ।।।।
अमूल्य छ भोट हाम्रो, ख्याल ठट्टा नगरौं ।
लालचमा फस्नु हुन्न, भोट खेर नफालौं ।।
आउ बरु सबै मिलौ, सँग सँगै साथै हिडौं ।।।
यही आउने चुनावमा, भोट हालौं गिलासमा ।।।।
असल खराब नेता चुन्ने, जनताको कर्तब्य ।
राम्रा मान्छे जिति गए, मात्र सही गन्तब्य ।।
मिलि जुली सल्लाह गरौं, गाँउ सहर हल्ला गरौं ।।।
यही आउने चुनावमा, भोट हालौं गिलासमा ।।।।
