काठमाडौं । पछिल्लो केही दिन यता कोरोना संक्रमण पुनः बढ्न थालेको छ । केही समय सुस्ताएको कोरोना भाइरसको संक्रमण फेरि बढ्न थालेको हो ।
स्वास्थ्य तथा जनसंख्या मन्त्रालयले फेरि संक्रमण बढेको भन्दै सावधानी अपनाउन आग्रह गरेको छ । मन्त्रालयका अनुसार देशभर बिहीबार चार सय ३५ जनामा कोरोना पुष्टि भएको छ भने सक्रिय संक्रमितको संख्या दुई हजार ५३७ रहेको छ ।
मन्त्रालयका सहप्रवक्ता समीरकुमार अधिकारीले जारी गरेको सूचनामा भीडभाड हुने स्थानमा जाँदा अनिवार्य मास्क लगाउन आग्रह गरिएको छ । भीडभाड हुने, विमानस्थल, हवाई यात्रा, सार्वजनिक यातायातजस्ता स्थानमा मास्क अनिवार्य प्रयोग गर्न सुझाव दिइएको छ।
यस्तै स्वास्थ्य मन्त्रालयले कोरोनाविरुद्ध खोप नलगाएका नागरिकलाई लगाउन अनुरोध गरेको छ। कसैलाई कोरोना लागे अस्पताल गई उपचार गराउन पनि मन्त्रालयले आग्रह गरेको छ।
यस्तो छ मन्त्रालयको सूचना
