टेकराज भुसाल (टेकु) बुटवल ।
बुटवलस्थित कालिका मानवज्ञान माध्यमिक विद्यालयकाे ५९ औं वार्षिकोत्सब तथा अभिभावक दिवस सुरु भएकाे छ। कार्यक्रमकाे प्रदेश ५ का सामाजिक विकासमन्त्री सुदर्शन बरालले उद्घाटन गरे ।
साे अवसरमा बाेल्दै मन्त्री बरालले बीएलएल, बीएसी, एमसीएल जस्ता विषयहरु अध्ययन गर्नकाे लागि विद्यार्थी प्रदेशबाट बाहिर जान नपर्ने अवस्था बनाउने प्रतिवद्धता जाहेर गरे । प्रदेशकाे शैक्षिक गुणस्तरलाई अगाडि बढाउनका लागि प्रदेशमा रहेका विद्यालयलाई प्रदेश सरकारले सहयाेग गर्ने बताउँदै मन्त्री बरालले स्थानीय सरकारहरुकाे समन्वयमा गाउँ तथा नगर स्तरका खेलकुद मैदान, भाैतिक पूर्वाधारहरु निर्माण गर्ने प्रक्रियामा अगाडि बढाएकाे पनि बताए ।
नगर खेलकुद विकास समितिका बुटवलका संमयाेजक नन्दु काउचाले बुटवल उपमहानगरपालिकाले खेल क्षेत्रका लागि विभिन्न याेजना अगाडि सारेकाे जानकारी दिए । कार्यक्रममा खेलकुद विकास समितिका प्रेम बहादुर बस्नेत, विद्यालयमा प्राचार्य घनश्याम पाठक लगायतले धारणा राखेका थिए ।
वार्षिकाेत्सवका अवसरमा प्रथम नगर स्तरीय कालिका रनिङ शिल्ड सुरु भएकाे छ । प्रतियोगितामा छात्र र छात्रा दुबै तर्फ भलिबल, कबड्डी र एथलेटिक्सका १४ वटा इभेन्ट्समा १४ वटा स्वर्ण, १४ रजत र १४ वटा कास्य पदकका लागि प्रतिस्पर्धा भैरहेकाे छ। प्रतियोगिताको विजेताले नगद ५० हजार, उपविजेताले ३० हजार र तेस्रो हुने विद्यालयले २० हजार रुपैयाँ पाउनेछन् ।
विद्यालयले ७ गते ५९ औं वार्षिकोत्सब तथा अभिभावक दिवस २०७६ काे मुल समारोह गर्ने र मुल समारोहलाई प्रदेश ५ का मुख्यमन्त्री शंकर पाेख्रेलले सम्बाेधन गर्ने कार्यक्रम रहेकाे छ।
