फरीदावाद। मूल प्रवाह अखिल भारत नेपाली एकता समाजको हेवल–हेमलामा श्रमिक विहार टोल समिति पुनर्गठन गरिएको छ ।
आइतबार एकता समाज पश्चिमोत्तर क्षेत्रीय समिति अन्तर्गत रहेको फरीदावाद नगर समितिद्वारा सञ्चालित हेवल–हेमला एरिया समितिको पुनर्गठन गरिएको हो ।
क्षेत्रीय सदस्य तथा नगर अध्यक्ष बाबुराम विष्ट, नगर सचिव विष्णु विसी, नगर सदस्य रमेश चन्द क्षेत्रीको विशेष उपस्थितिमा सम्पन्न भेलाले सो टोल समिति गठन गरेको थियो ।
भेलामा नगर अध्यक्ष बाबुराम विष्टले फरीदावादमा कतिपय व्यक्तिहरुले आफ्नो नाम लिएर मूल प्रवाह अखिल भारत नेपाली एकता समाजको लोगो र रजिष्ट्रेशन नम्बरको दूरुपयोग गरि सिंगो एकता समाज र स्वयम् उहाँको समेत बदनाम गर्ने कोशिस गरेको बताउनु भयो । विष्टले यसप्रकारको गतिविधि गर्ने अराजक अनुशासनविहीन तत्वहरुबाट सतर्क रहन फरीदावादस्थित सम्पूर्ण श्रमजिवी नेपालीहरुलाई अनुरोध गर्नुभएको थियो ।
नगर सदस्य रमेश चन्द क्षेत्रीले फूटपरस्त तत्वहरुले मूल प्रवाह अखिल भारत नेपाली एकता समाजको लोगो र रजिष्ट्रेशन नम्बरको दूरुपयोग गरिरहेमा प्रशासनको सहयोग लिने र आवश्यक कानुनी कारवाहीको प्रकृयामा जाने समेत बताउनु भयो । साथै उपस्थित सम्पूर्ण सहभागिहरुलाई मूल प्रवाह अखिल भारत नेपाली एकता समाजको वर्तमानमा अध्यक्ष दुर्गा बहादुर केसी र महासचिव ठाकुर खनाल रहेको समेत जानकारी दिनु भयो।
भेलाले प्रेम थापाको अध्यक्षतामा श्रमिक विहार टोल समिति पुनर्गठन गरेको छ । समितिको सचिव धरम खनाल, कोषाध्यक्ष सुस्मिता थापा तथा सदस्यहरुमा रेशम थापा, लेखराज केसी, बसन्ता खनाल, यमुना थापा, गिता थापा, सुशिला थापा, सुरेन्द्र थापा, पंकज थापा, सरस्वती थापा, दिपक थापा, सितल थापा, राहुल थापा, श्रृजना खनाल, सुजता खनाल, मायाँ देवी थापा, धन बहादुर, सोनु थापा, देवराज थापा, जगवीर थापा, लेख बहादुर र तुल्सीदेवी रहनुभएको छ ।
