काठमाडौं । ग्लोबल आइएमई बैंक र जनता बैंक मर्जर भएका छन् । मर्जर पछि बनेको ग्लोबल आइएमई बैंकलाई नेपाल राष्ट्र बैंकले अन्तिम स्विकृति दिएको छ ।

एकीकृत कारोबार गर्ने तयारीमा रहेको यो बैंक वाणिज्य बैंकहरुमा नेपालको सबै भन्दा ठूला बैंक हुनेछ । मर्जरपछि बन्ने नयाँ बैंकको चुक्ता पुँजी करिब १९ अर्ब रुपैयाँ हुनेछ ।

मर्जरका लागि सेयर स्वामित्वको अनुपात भने १००ः८५ हुने भएको छ । मर्जरपछि बन्ने बैंकको प्रमुख कार्यकारी अधिकृत जनता बैंकका परशुराम कुँवर क्षेत्री रहनेछन् भने ग्लोबल आइएमईका कार्यवाहक सीईओ महेश ढकाल डेपुटी सीईओ हुनेछन ।

त्यस्तै बैंकका अध्यक्ष भने ग्लोवल आईएमईका चन्द्रप्रसाद ढकाल रहने छन्। सञ्चालक समितिमा ग्लोबल आइएमईबाट पाँच जना र दुई जना जनता बैंकबाट रहनेछन् ।