गुल्मी । अखिल नेपाल किसान महासंघका अध्यक्ष भैरवराज रेग्मीले राष्ट्रियताका मामिलामा सारा देश एकजुट भएका बेला खुट्टा नकमाई सीमा समस्या समाधान गर्न सरकारसँग आग्रह गर्नुभएको छ ।
बुधबार गुल्मीको कालीगण्डकी गाउँपालिका खड्गकोटको थालुंग डाँडोमा आयोजित विरोध सभालाई सम्बोधन गर्दै अध्यक्ष रेग्मीले वर्षौंदेखि थाती सिमा समस्या सुल्झाउन सरकारलाई अभुतपूर्व मौका मिलेको धारणा बताउनुभयो ।
अध्यक्ष रेग्मीले नेपालको भूभाग समेटि भारतले सार्वजनिक गरेको जाली नक्सा खारेज गर्न र १९५० का असमान सन्धी खारेज गर्न तत्काल एक्सन लिन सरकारसँग माग गर्नुभयो ।
राजमो कालीगण्डकी ६ नं वडाका अध्यक्ष चित्र बहादुर थापाको अध्यक्षतामा सम्पन्न कार्यक्रममा राजमो केन्द्रीय सदस्य तथा कालीगण्डकी गाउँपालिकाका उपाध्यक्ष तारा थापा क्षेत्री, राजमो जिल्ला सदस्य पूर्ण बहादुर थापा, राजमो कालीगण्डकीका अध्यक्ष गंगा केसी, कालीगण्डकी गाउँ पालिका वडा नं ६ का निर्वाचित वडा सदस्य पूर्ण ब. थापा र मोती थापाको आथित्यता रहेको थियो ।
कार्यक्रमको सञ्चालन राजमो कालीगण्डकी गाउँपालिकाका सचिव घनश्याम ढकालले गर्नु भएको थियो ।
