बाग्लुङ । यही मंसिर ७ गते बुर्तिबाङमा चुनावी सभाको आयोजना गरिएको राष्ट्रिय जनमोर्चा बाग्लुङले जनाएको छ । जनसभालाई अध्यक्ष चित्रबहादुर केसीले सम्बोधन गर्नुहुनेछ ।
राजमो र नेकपाको संयुक्त वाम गठबन्धनद्वार आयोजना हुने सभामा नेपाल कम्युनिष्ट पार्टी (नेकपा) का महासचिव बिष्णु पौडेल लगायतका केन्द्रीय नेताले सम्बोधन गर्ने कार्यक्रम रहेको जनाइएको छ । मंसिर १४ गते हुने उपनिर्वाचनका लागि बाग्लुङ २ (ख) मा उम्मेद्वार खिमविक्रम शाहीको पक्षमा ब्यापक जनलहर बढ्दै गएको वाम गठबन्धनका नेताहरु बताउँछन् ।
तमान लाममेलामा चुनावी सभा
संयुक्त बाम गठबन्धनको चुनावी प्रचार अभियान अन्तर्गत मंगलबार तमानखोला गाऊँपालिका वडा नं ३ र ४ मा जनभेटघाट तथा लाममेलामा चुनावी सभाको आयोजना गरिएको थियो । कार्यक्रममा बोल्दै उम्मेद्वार शाहीले आफू जनताका समस्यासँग परिचित रहेको बताउँदै जनप्रतिनिधि भएपछि पनि सधैँ जनताकै बिचमा रहने प्रतिवद्धता जाहेर गर्नुभएको थियो ।
कार्यक्रममा नेकपा प्रदेश सचिव गोबिन्द नेपाली, राजमोका केन्द्रीय सदस्य एवं जिल्ला समन्वय समिति बागलुङका प्रमुख राजेन्द्र ढुंगाना, नेकपाका नेता सेरमान घर्ती मगर, गोकुल शेरचन, ढोरपाटन नगरपालिकाका मेयर देव कुमार नेपाली, नेकपा जिल्ला इन्चार्ज बलावती शर्मा लगायतका बक्ता हरुले मन्तव्य व्यक्त गर्नुभएको थियो ।
