तिलक थापा
बाग्लुङ । राष्ट्रिय जनमोर्चाका केन्द्रीय सदस्य एवं जिल्ला समन्वय समिति बाग्लुङका अध्यक्ष राजेन्द्र ढुंगानाले जनताको अवस्थामा परिवर्तन ल्याउन कम्युनिष्ट पार्टीको नेतृत्वमा मात्रै सम्भव हुने बताउनुभएको छ । चुनावी अभियान अन्तर्गत सोमकार बाग्लुङको बोङ्गादोभानमा ओजित सभालाई सम्बोधन गर्दै अध्यक्ष ढुंगानाले जनतालाई सुशासन दिन र विकास निर्माणलाई अघि बढाउन पनि वाम गठबन्धनका उम्मेद्वारले जित्नुपर्ने बताउनुभयो ।
कार्यक्रममा बोल्दै बाग्लुङ २(ख) प्रदेशसभाका साझा बाम उमेदवार खिमविक्रम शाहीले आफू कठिन र प्रतिकूलता समयमा पनी जनताको काम गरेको अनुभव भएको भन्दै आगामी दिनमा पनी जनताको बिचबाट कहिल्यै बिचलित नहुने बताउनुभयो ।
कार्यक्रममा प्रमुख अतिथिको रुपमा बोल्दै नेपाल कम्युनिष्ट पार्टी (नेकपा) केन्द्रीय सदस्य एवम् प्रदेश सचिव गोबिन्द नेपालीले सबै गरिब, दलित, जनजातीको अभिमत बामपंथी पार्टीले बोल्ने हुँदा साझा उमेदवार खिमविक्रम शाहीलाई गिलास चिन्हमा भोट हाल्न आग्रह गर्नुभयो ।
नेकपाका नेता तथा ढोरपाटन नगरपालिकाका मेयर देव कुमार नेपाली ऊत्पिडनमा परेको जनसमुदायलाई माथी ऊठाऊन र परिवर्तनकारीहरुको प्रतिष्ठा बचाऊनका लागी पनी खिमबिक्रम शाहीलाई जिताऊनै पर्ने औँल्याउनुभयो ।
कार्यक्रममा नेपाल कम्युनिष्ट पार्टी (नेकपा) जिल्ला इन्चार्ज बलावती शर्मा, सेरमान घर्ती, प्रदेश सभा सदस्य चन्द्र बुढा सागर लगायतका अन्य बक्ता हरुले मन्तव्य व्यक्त गर्नुभएको थियो । कार्यक्रममा प्रदेश सांसद साबित्रा राना, अखिल नेपाल युवक संघका केन्द्रीय कोषाध्यक्ष भिमसेन वन, राष्ट्रिय जनमोर्चा बागलुङका सचिव भिमलाल पोखरेल, अखिल (छैठौं) बागलुङका अध्यक्ष इन्द्रमणी पाण्डे, नेकपाको नेता कुशुम बुढा, राष्ट्रिय जनमोर्चा बागलुङका सदस्य दुर्गादेवि घर्ती, अनेरास्ववियु का महेन्द्र चन्द्र, रमेश शाही केशर छन्त्याल, कृष्ण अधिकारी लगायतका नेता तथा कार्यकर्ताहरुको सहभागिता रहेको छ ।
कार्यक्रम नेकपा तमानखोला अध्यक्ष नरेन्द्र छन्त्यालको अध्यक्षता, सदस्य नारायण सुनारको स्वागत र सचिब लिल बहादुर पुनको सञ्चालनमा सम्पन्न भएको हो ।
