खिमराज चालिसे, चंडिगढ ।
मूल प्रवाह अखिल भारत नेपाली एकता समाज हिसार नगर समितिले सञ्चालन गरेको संगठन विस्तारको अभियान निरन्तर जारि रहेको छ । एकता समाजले जनसम्पर्क, प्रशिक्षण तथा संगठन निर्माण लगायत कार्यक्रमलाई निरन्तरता दिइरहेको छ ।
सो अभियान अन्तरगत मूल प्रवाहका केन्द्रीय सल्लाहकार तारा सोमरे, नगर अध्यक्ष नन्दबहादुर लमतरीको विषेश उपस्थितिमा सिटि एरिया समिति अन्तर्गत जहाँरनगरमा भेला सम्पन्न भएको छ । भेलाले ७ सदस्सीय टोल समिति गठन गरेको छ।
समितिको अध्यक्षमा राजु सुनार, सचिव सूर्यबहादुर बस्याल र कोषाध्यक्षमा तिलक सोनी रहनुभएको छ भने सदस्यहरुमा राजकुमार राई, माया सोनी, बिष्णु सोनी र पम्फी सुनार हुनुहुन्छ।
कार्यक्रम ओमप्रकाश तिवारीको अध्यक्षता तथा तिलक सोनीको सञ्चालनमा सम्पन्न भएको थियो ।
त्यस्तै, बिहीबार सिटी एरिया ‘ए’ अन्तर्गत जहाँरनगरमा टोल स्तरीय प्रशिक्षण कार्यक्रम सम्पन्न भएको थियो । नगर अध्यक्ष नन्दबहादुर लम्तरीले सैद्धान्तिक प्रशिक्षण दिँदै भारतमा नेपालीको अवस्थाबारे जानकार दिनु भएको थियो । कार्यक्रम कमल विकको अध्यक्षतामा भएको थियो ।
