खिमराज चालिसे, चंडिगढ ।
मूल प्रवाह अखिल भारत नेपाली एकता समाजका महासचिव ठाकुर खनालले जातीय मुक्ति आन्दोलनलाई वर्ग संघर्षसँग जोड्नु पर्ने बताउनुभएको छ ।
एकता समाज हिसार नगर समितीद्वारा सञ्चालित जनजाती विभाग हिसारको आयोजनामा भएको २७औँ अन्तर्राष्ट्रिय आदिवासी दिवसको कार्यक्रमलाइ सम्बोधन गर्दै ठाकुरले सो कुरा बताउनु भएको हो ।
महासचिव खनालले जातीय मुक्ति आन्दोलनलाई साम्राज्यवादी एवम् प्रतिक्रियावादीहरुले विभिन्न कोणबाट उपयोग गर्न खोज्ने षडयन्त्रप्रति सजग रहनुपर्ने बताउनुभयो । साम्राज्यवादको कूटील चाललाई वामपन्थी आवरणमा रहेका अवसरवादीहररूले समेत प्रत्यक्ष वा अप्रत्यक्ष रुपमा सघाउने प्रवृतिप्रति सजग रहनुपर्ने आवश्यकतामा नेता ठाकुरले जोड दिनुभयो ।
सबैप्रकारका जातीय मुक्ती आन्दोलनलाई वर्गसंघर्षसँग न जोडिकन उनीहरुको मुक्ति नहुने महासचिव खनालको भनाई थियो ।
कार्यक्रममा मूल प्रवाहका केद्रीय सल्लाहकार तारा सोमरे, महिला विभाग क्षेत्रीय सदस्य सेती राना, नगर अध्यक्ष नन्द बहादुर लमतरी, नगर सदस्य हुमाकान्त अधिकारी, सिटि एरिया ‘ए’ बाट बाबुराम पोख्रेल, इन्ड्रष्ट्रियल एरियाबाट श्याम बहादुर विक लगाएत नेताहरूले सम्बोधन गर्नुभएको थियो ।
केहर सिंह घर्तीमगरको अध्यक्षता तथा निरु सारुको सञ्चालनमा अघि बढेको कार्यक्रममा आत्मराम न्यौपानेले स्वागत गर्नु भएको थियो ।
