लोकेन्द्र पौडेल, चेन्नई ।
मूल प्रवाह अखिल भारत नेपाली एकता चेन्नई दक्षिण नगर समितिका सदस्य भवानी प्रसाद पोखरेल र चेन्नई दक्षिण नगर महिला विभाग सदस्य लक्ष्मी शर्मालाई प्रवासबाट विदाई गरिएको छ ।
समाजको चेन्नई दक्षिण र पश्चिम नगर समितिको संयुक्त आयोजनामा पोखरेलको विदाई गरिएको हो । समाजका केन्द्रीय कोषाध्यक्ष कुल बहादुर थापाले आइतबार आयोजित विदाई कार्यक्रममा नेताद्वयलाई खादा ओढाएर सम्मानका साथ विदाई गर्नुभएको थियो ।
दाङ देउखुरीका पोखरेल हाल चेन्नई दक्षिण नगर समिति अन्तर्गत पल्लावरम स्थित ल्यादर कम्पनीमा १९८८ देखी कार्यरत रही संगठनमा अनुशासित रुपमा काम गर्दै आउनु भएको थियो ।
त्यसैगरी लक्ष्मी शर्मा चेन्नई दक्षिण नगर महिला विभाग सदस्य हुनुहुन्थ्यो । जैमिनी नगर पालिका ८ छिस्ती बाग्लुङ स्थायी घर भई श्रीमान दक्षिण नगर कोषाध्यक्ष जीवन शर्माले पल्लावरममा काम गर्ने हुँदा उहाँ बिगत १२ वर्षदेखी यहाँ रहँदै आउनु भएको थियो ।
कार्यक्रममा मूल प्रवाहका केन्द्रीय सदस्य मदन शर्मा, वैकल्पिक केन्द्रीय सदस्य मोहराज चालिसे, क्षेत्रीय कोषाध्यक्ष लोकेन्द्र पौडेल, क्षेत्रीय सदस्य केशमान नेपाली, लक्ष्मी शर्मा र केशमान नेपाली, चेन्नई दक्षिण कोषाध्यक्ष जीवन शर्मा, चेन्नई दक्षिणका सचिव उमानन्द चालिसे, दक्षिण नगर सदस्य कृष्ण पौडेल, रोम बहादुर सापकोटा, पदम विक, चेन्नई पश्चिम नगर अध्यक्ष बुद्विराम पौडेल, सह–सचिव नेत्रलाल शर्मा, कोषाध्यक्ष एकदेव शर्मा, पदम पौडेल लगायतले शुभकामना दिनुभएको थियो ।
विदाई भएर जाने पोखरेल र शर्माले आउँदा दिनमा मूल प्रवाह विश्व विद्यालयबाट प्राप्त गरेको शिक्षालाई नेपालमा गएर शोषित पीडित जनताको मुक्तिका लागि लागिरहने बताउनुभयो ।
दक्षिण नगर समितिका उपाध्यक्ष खगराज आचार्यको अध्यक्षता र मूल प्रवाह अखिल भारत नेपाली एकता समाज चेन्नै दक्षिण महिला विभाग सचिव नविना बस्नेतको सञ्चालनमा अघि बढेको सो कार्यक्रममा चेन्नई पश्चिम नगर सदस्य पदम पौडेलले स्वागत गर्नुभएको थियो ।
