काठमाडौँ । राष्ट्रिय जनमोर्चाले प्रदेश नं. २ का राजमो प्रदेश सदस्य कर्ण थापाका पिता नरबहादुर थापाको निधनप्रति भावपूर्ण श्रद्धाञ्जली व्यक्त गरेको छ ।
अध्यक्ष चित्रबहादुर केसीको हस्ताक्षरमा २०७८ साउन १८ गते शोकवक्तव्य जारी गर्दै राजमोले मृतक थापाप्रति श्रद्धाञ्जली तथा शोकसन्तप्त परिवारप्रति समवेदना प्रकट गरेको हो ।
शोकवक्तव्यमा भनिएको छ–
“राष्ट्रिय जनमोर्चा २ नं. प्रदेश समितिका सदस्य का. कर्ण थापाका पिता श्री नरबहादुर थापाको ९८ वर्षको उमेरमा जितपुर–सिमरा उपमहानगरपालिका वडा नं. २ सिमर आफ्नै निवासमा २०७८ साउन १७ गते राति मृत्यु भएको छ । उहाँ राष्ट्रिय जनमोर्चाको समर्थक र सहयोगी हुनुहुन्थ्यो । उहाँप्रति राष्ट्रिय जनमोर्चाले हार्दिक श्रद्धाञ्जली व्यक्त गर्दछ । शोकसन्तप्त परिवार जनप्रति हार्दिक समवेदना व्यक्त गर्दछ ।”
थापाको आजै दुधौराघाटमा दाहसंस्कार गरिएको छ । दाहसंस्कार स्थलमा राजमो २ नं. प्रदेशका कोषाध्यक्ष शेरबहादुर कार्की, नेकपा (मसाल) बाराका प्रवक्ता रमेश भट्टराई, राजमो बाराका अध्यक्ष जीवन भट्टराई, उपाध्यक्ष बालकृष्ण आचार्यसहित राजमोका नेता/कार्यकर्ताको उपस्थिति रहेको थियो ।
१९८० चैत १० गते जन्मनुभएका थापाको परिवारमा यतिखेर श्रीमतीसहित दुई छोराहरू रामहरि थापा र कृष्णहरि थापा (कर्ण थापा) तथा तीन छोरीहरू कुन्ती केसी, सीता बस्नेत र राधा खड्का रहेका छन् ।
