कायरो । अरब लिगका महासचिव र ट्युनिसियाका विदेशमन्त्रीबिच सोमबार फोनवार्ता भएको छ । उहाँहरूबिच हालै मात्र ट्युनिसियामा भएको राजनीतिक घटनाक्रमका बारेमा कुराकानी भएको थियो ।
महासचिव अहमद अबोल गइद र ट्युनिसियाका विदेशमन्त्री ओथमान जेरान्दीबिच ट्युनिसियामा विकसित भएको पछिल्लो राजनीतिक विषयवस्तुका बारेमा कुराकानी भएको छ ।ट्युनिसियामा गत आइतबार राति त्यहाँको संसद निलम्बन भएको छ भने यहाँका राष्ट्रपतिले प्रधानमन्त्रीलाई बर्खास्त गर्नुभएको छ ।
त्यसपछि ट्युनिसियामा विकसित भएको राजनीतिका विकासक्रमका बारेमा उहाँहरूबिच फोनमा कुराकानी भएको सो समाचारमा जनाइएको छ । हाल त्यहाँका कार्यकारिणी अधिकार राष्ट्रपतिले लिनुभएको छ भने नयाँ प्रधानमन्त्री नियुक्त पनि गर्नुभएको छैन ।
यहाँ केही दिनयता देखि सरकारका विरुद्धमा आन्दोलन चर्किएको थियो र त्यसपछि राष्ट्रपतिले प्रधानमन्त्रीलाई बर्खास्त गर्नुभएको हो । यसै विषयमा उहाँहरूबिच कुराकानी भएको बताइएको छ । (रासस/सिन्ह्वा)
