कृष्ण बराल
भारतस्थित प्रवासी नेपालीहरूको एक मात्र सामाजिक संगठन मूल प्रवाह अखिल भारत नेपाली एकता समाज मेरो लागि विश्व विद्यालय हो । यो सगठनमा काम गर्न थालेको २१ वर्ष भयो । म सिरसा नगर समितिको सचिव हुँ । कुनै समयमा क्षेत्र र केन्द्रीय परिषदको सदस्य पनि रहेको थिएँ ।
तर, केही वर्षदेखि घर परिवारमा दुःख बिरामीको समस्या, त्यसपछि स्यवम् म बारम्बारको बिमार, त्यसमाथि कोरोनाका कारण भएको लकडाउनले गर्दा एक ठाउँमा टिकेर गर्ने खालको नोकरी मिलेन । मिली हाले पनि साथमा बिरामीले गर्दा उपचारको लागि कहिले कहाँ, कहिले कहाँ भौँतारिन पर्यो । गएको वर्ष लकडाउनमा काम धन्दा नहुँदा घर गएँ र लामो समय घरमा बसियो । जसले गर्दा नियमित संगठनको काम गर्न र जनताको बीचमा जान नपाउँदा मनभरी पिर चिन्ता लागिरहेको छ ।
फेसबुकमा नेता कार्यकर्ताहरूले धमाधम क्यालेन्डर वितरण, सदस्यता वितरण र विभिन्न स्थानमा नगर, एरिया, टोल भेला, संगठन निर्माण गर्दै हिँडेको देख्दा मनमा खुशी र उत्साह छाउँछ । तर आफ्नो न एक ठाउँमा नोकरी, त्यसमाथि बिमारी र विविध समस्याले गर्दा एक ठाउँमा टिकेर संगठनको काम गर्न पाएको छैन । मूल प्रवाहका जनतासँग भेट घाट हुन नपाउँदा मनभरी चिन्ता छाएको छ भने बिमारीले गर्दा निराशापन छाएको छ ।
फेरि पनि हार मानेको छैन । सधैँभरी बिरामी हुने छैन, निको होला । र, पुनः मेरो विश्व विद्यालय मूल प्रवाह अखिल भारत नेपाली एकता समाजमा कहीँ न कहीँ एरिया, टोलमा भए पनि संगठित भइ भारतस्थित प्रवासी नेपालीहरूको बीचमा घुलेर काम गर्ने अवसर पक्कै पाउने छु । मूल प्रवाहका केन्द्रदेखी, टोल सम्मका नेता कार्यकर्तालाई सलाम गर्दछु ।
(प्युठान जिल्लाको झिमरुक–३ का कृष्ण बराल मूल प्रवाह अखिल भारत नेपाली एकता समाज हरियाणास्थित सिरसा नगर समितिका सचिव हुनुहुन्छ । हाल उपचारको शिलशिलामा राजस्थानको जयपुरमा रहनुभएका बरालको फेसबुक स्ट्याटसबाट ।)
