गणेश अधिकारी, पोखरा ।
अखिल नेपाल जनजाति सम्मेलन कास्की जिल्ला समितिका सदस्य धनबहादुर थापाको निधन भएको छ ।
निमोनियाको उपचारका लागि काठमाडौँ ह्याम्स हस्पिटल पुगेका थापालाई पोखरा ल्याउँदै गर्दा २०७८ साउन ९ गते साँझ ५ बजे बाटैमा निधन भएको हो ।
नेकपा (मसाल) कास्कीका प्रवक्ता चन्द्रबहादुर केसीले पार्टीको झन्डा ओढाएसँगै थापाको आजै पोखरा रामघाटमा दाहसंस्कार गरिएको छ ।
प्रवक्ता केसीका अनुसार उहाँ नेकपा (मसाल) को पार्टीसदस्य हुनुहुन्थ्यो । पार्टीमा उहाँको टेकनाम क. भीषण रहेको थियो ।
उहाँ राष्ट्रिय जनमोर्चा पोखरा महानगरपालिका–१४ नम्बर वडा समितिको सदस्यसमेत हुनुहुन्थ्यो ।
२०३० मङ्सिर १३ जन्मनुभएका थापाको परिवारमा श्रीमतीसहित दुई छोरी र एक छोरा रहेका छन् ।
बागलुङ जैमिनी–५ बिनामारे स्थायी घर भएका थापा हाल पोखरा उपमहानगरपालिका–१४ मनकामना टोलमा रहँदै आउनुभएको थियो ।
