दमास्कस । इजरायली सेनाले सिरियामाथि मिसाइल हमला गरेको छ । बुधबार मध्यरातिदेखि इजरायलले सिरियाको होम्स सहरमा मिसाइल हानेको हो ।
सिरियाली सैन्य अधिकारीहरूले इजरायलले गएको चार दिनदेखि यहाँ हमला गरेको छ । यहाँको सरकारी समाचार समिति सानाले सो समाचार दिएको छ । बुधबार राति र बिहीबार राति पनि इजरायली सेनाले सिरियाली सहर होम्स र उत्तरी सहर अलेपोमा हमला गरेको छ ।
बुधबार जस्तै बिहीबार पनि मध्य सिरियाली सहर होम्सको क्वासेर क्षेत्रमा सो हमला केन्द्रित रहेको पाइएको छ । उक्त क्षेत्रमा सिरियाली सेनाले पनि प्रतिरक्षा गरेर मिसाइल प्रहार गरेको छ । त्यसबाट भएको हताहतको समाचार भने आएको छैन ।
इजरायली सेनाले यसअघि पनि सिरियामा हमला गर्ने गरेकोमा केही दिनयता रोकिएको थियो । गत सोमबारदेखि इजरायलले उत्तरी सिरियाली सहर अलेपोमा आक्रमण गरेको थियो र अहिले पनि सो क्रम जारी नै रहेको यहाँका अधिकारीहरूले जनाएका छन् । (रासस/सिन्ह्वा)
