जिवराज पोख्रेल, निकोशिया।
साईप्रस नेपाली एकता समाजले समाजका सदस्यहरुबीच भेटघाट एवम् परिचयात्मक कार्यक्रम गरेको छ । समाजको केन्द्रीय समितिले परिचयात्मक भेटघाट एवं ‘बोट पार्टी’ आयोजना गरेको हो ।
कार्यक्रममा साईप्रस नेपाली एकता समाजका अध्यक्ष देवेन थापाले समाजका गतिविधिबारे प्रकाश पार्दै नेपाली एकता समाजको महत्वबारे प्रष्ट पार्नुभएको थियो ।
कार्यक्रममा विभिन्न प्रान्तका प्रतिनिधि लिमासोलबाट बिन्दु खड्का, जिवराज पोख्रेल, रिता थापा क्षेत्री र गिरा नेपाली थापा, निकोसियाबाट मन्जु लिम्बु र सुशिल शाह पारालिमिनीबाट कविता गोले र नानु गुरुङ सहभागी हुनुहुन्थ्यो ।
अध्यक्ष थापाले एकता समाजको कार्यक्रमलाई सफलतापूर्वक पूरा गर्न सहयोग गर्नु हुने बालकुमार लिम्बु, नुमा लिम्बु, सञ्जु मगर, निरु गोले, लालु मगर, एन्जेल लिम्बु लगाएत सहभागी सम्पूर्णलाई अध्यक्ष थापाले धन्यवाद प्रकट गर्नुभएको थियो ।
यस्तै, मेस व्यवस्थापनमा खटिने कविता गोले, ईश्वर घर्ती, खिमान थापा, नानु गुरुङ, भरत लिम्बु, बिना गुरुङ तथा र मिडियाकर्मी आत्माध्वज लामालाई धन्यवाद प्रकट गर्नुभएको थियो ।
करिब एक वर्ष अघि स्थापना भएको साईप्रस नेपाली एकता समाजले वैदेशिक रोजगारीका लागी यहाँ आएका नेपालीहरुलाई सचेत र संगठित पार्ने काम गरिरहेको छ । त्यस्तै स्वदेश तथा विदेशमा समस्यामा परेका नेपाली तथा राष्ट्रिय अविस्कार केन्द्रलाई समेत समाजले सहयोग गरेको छ ।
