तेलअभिभ । इजरायलका निवर्तमान प्रधानमन्त्री बेन्जामिन नेतान्याहुले झन्डै १२ वर्षपछि प्रधानमन्त्रीको सरकारी निवास छोड्नुभएको छ । इजरायलको राजधानी जेरुसेलमको बाल्फोर सडकमा रहेको प्रधानमन्त्री निवास उहाँले सपरिवार खाली गर्नुभएको हो ।
प्रधानमन्त्री निवासबाट नेतान्याहुको सपरिवार बहिर्गमनको विषयलाई स्थानीय सञ्चार माध्यमले आइतबार खुबै महत्त्वका साथ प्रकाशन तथा प्रसारण गरेका छन् । प्रधानमन्त्री निवासबाट केही सामानसहित ट्रक बाहिरिएको स्थानीय सञ्चार माध्यमले जनाएका छन् । ती ट्रक शनिबार बेलुकादेखि नै बाहिरिएको देखिएको थियो ।
प्रधानमन्त्रीबाट पदमुक्त भएपछि अहिले उहाँ देशको प्रमुख विपक्षी दलको नेता बन्नुभएको समाचारमा जनाइएको छ । प्रधानमन्त्री निवासबाट निस्केपछि उहाँ शाब्बातमा रहेको उहाँकै आफ्नै घरमा बस्न लाग्नुभएको छ ।
प्रधानमन्त्री पदबाट मुक्त भएको झन्डै एक महिनापछि उहाँ प्रधानमन्त्री बस्ने सरकारी निवासबाट बाहिरिनुभएको हो ।
एक विशेष सम्झौतापछि उहाँको सट्टामा इजरायलमा अहिले नाफ्ताली बेन्नेट प्रधानमन्त्री बन्नुभएको छ । उहाँले यही जुन १३ मा प्रधानमन्त्रीको जिम्मेबारी सम्हाल्नुभएको थियो । (रासस÷एएनआई)
