काठमाडौं । रौतहटमा जग्गाको विषयमा झडप हुँदा १० जना घाइते भएका छन् । रौतहटको चपुरमा दुई समूहमा रहेका गाउँलेहरुबीच झडप भएको हो ।

स्थानीय श्रीराम चौधरीले सार्वजनिक जग्गा चलनभोग गरेको भन्दै गाउँलेहरुले रोक्ने क्रममा झडप भएको हो । गाउँलेले सार्वजनिक जग्गा भने पनि श्रीरामले आफ्नो नाममा बनाएपछि गाउँलेले उनलाई बहिष्कार गरेका थिए।

बिहीबार धान रोपाइ सकिएपछि गाउँलेले भोज गरिरहेको ठाउँमा श्रीरामले १० वटा मोटरसाइकलमा बाहिरबाट युवाहरु लिएर गएपछि झडप भएको हो।

झडपको क्रममा जगनारायण चौधरी, श्रीराम चौधरी र लक्ष्मी चौधरीको घर तोडफोड भएको छ ।

झडपमा घाइतेको चन्द्रनिगाहपुरस्थित अस्पतालमा उपचार भइरहेको प्रहरीले जनाएको छ ।