खिमराज चालिसे, चंडिगढ ।
भारतको चंडिगढमा एक नेपाली महिला अलपत्र परेकी छन् । दाङ जिल्ला शान्तिनगर गाउँपालिका–५, धनौरी (कासीपुर) की सुमिता राना घर्तीमगर अलपत्र परेकी हुन् ।
अलपत्र सुमिताले आफूलाई श्रीमान मोहनलाल घर्तीमगरले चंडिगढमा अलपत्र पारेर भागेको आरोप लगाएकी छिन् । उनले मूल प्रवाह अखिल भारत नेपाली एकता समाज चंडिगढमा श्रीमानको खोजीकार्य गरिदिन निवेदनसमेत दिएकी छिन् ।
उनले दिएको निवेदनमा श्रीमान मोहनलाल घर्तीमगरसँग विगत ३ वर्षदेखि सम्बन्धमा आएको खटपटक कारण उनी श्रीमान भेट्न आफनो जागिरबाट एक महिनाको विदा लिइ प्रत्येक वर्ष भारतमा आउने गरेकी उल्लेख गरेकी छिन् । उनले आफूलाई श्रीामानले कोठामा एक्लै छोडेर भागेका बताइन् ।
आफूलाई श्रीमानले अलपत्र पारेको खबर स्थानीय पुलिस थानामा रिपोर्ट गर्न जाँदा पनि थानाले रिपोर्ट दर्ज गर्न नमाने पछि उनी मूल प्रवाहको सम्पर्कमा आएकी हुन् ।
श्रीमानले अर्कै महिलासँग लागेर हिडेको हुनसक्ने शंका गरेकी सुमितालाई खान बस्नको समेत समस्या परेको छ ।
