काठमाडौँ । प्रगतिशील लेखक सङ्घ, नेपालले केन्द्रीय पार्षद भक्त कार्कीको हत्यारामाथि कडाभन्दा कडा कारबाहीको माग गरेको छ ।
२०७८ असार ६ गतेका दिन प्रलेस म्याग्दीका पूर्व अध्यक्ष तथा बहालवाला पार्षद भक्त कार्कीको अत्यन्तै निर्ममतापूर्वक हत्या गरिएपछि प्रलेस नेपालले असार ९ गते शोकवक्तव्य जारी गर्दै यस्तो माग गरेको हो ।
प्रलेस अध्यक्ष प्रा.डा. जीवेन्द्र देव गिरी र महासचिव समीर सिंहको हस्ताक्षरमा जारी शोकवक्तव्यमा सर्वप्रथम भक्त कार्कीप्रति श्रद्धाञ्जली तथा
शोकसन्तप्त परिवारजनप्रति समवेदना प्रकट गरिएको छ ।
शोकवक्तव्यको पूर्ण पाठ यस्तो छ–
“प्रगतिशील लेखक सङ्घ, नेपालका राष्ट्रिय परिषद् सदस्य भक्त कार्कीको हत्या भएको खबरले हामी स्तब्ध र दःुखी छौँ । दिवङ्गत भक्तजीप्रति हार्दिक श्रद्धाञ्जली अर्पण गर्दै शोकसन्तप्त परिवारप्रति प्रगतिशील लेखक सङ्घ, नेपाल समवेदना प्रकट गर्दछ ।
स्मरण रहोस्, २०७८ असार ६ गतेका दिन म्याग्दी जिल्लाको बेनी नगरपालिका वडा नं. ५ मा उहाँको हत्या भएको थियो । मृतक कार्की गाउँको शिक्षा, वन र पर्यटन क्षेत्रको विकासका लागि निरन्तर सक्रिय रहँदै आउनुभएको थियो । गाउँको वनलाई सदुपयोग गरी पर्यटकीय क्षेत्र बनाउन विभिन्न योजनाहरूका साथ उहाँ अगाडि बढिरहनुभएको थियो । वन उपभोक्ता समितिको बैठकमा सामान्य विवादकै आधारमा हत्याराले उहाँलाई गाउँको बबुवाखोलानजिकै ढुङ्गाले कुटी कुटी मारेको, अन्त्यमा लासलाई खोलामा बगाइएको र अपराधीलाई नियन्त्रणमा लिई प्रहरीले छानबिन गरिरहेको जानकारी प्राप्त भएको छ । हालसम्म मृतककार्कीको लाससम्म भेटिएको छैन ।
भक्तजीका दुई छोराहरू विदेशमा पढिरहनुभएको छ भने एक जना बहिनी काठमाडौँमा हुनुहुन्छ ।
हामी घटनाको भत्र्सना गर्दै दोषीलाई कडाभन्दा कडा कारबाहीको माग गर्दछौँ ।”
