काठमाडौं । गएको २४ घण्टामा नेपालमा २ हजार ४४२ जनामा कोरोना भाइरसको संक्रमण पुष्टि भएको छ।
१० हजार ९५६ जनाको परीक्षण गर्दा सो संख्यामा संक्रमित फेला परेका हुन्।
यो संख्या परीक्षण गरिएकोमध्ये २१.३ प्रतिशत हो। ६ हजार ६७७ जनाको पीसीआर परीक्षण गर्दा १ हजार ४२१ र ४ हजार २४९ जनाको एन्टिजेन परीक्षण गर्दा १ हजार २१ जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ।
यस्तै, यो अवधिमा ३ हजार ४५६ जना संक्रमणमुक्त भएका छन्। आज ५१ जनाको निधन भएको मन्त्रालयले जनाएको छ।
यस्तै, आज काठमाडौंमा ४५०, ललितपुरमा ५३ र भक्तपुरमा २५ गरी उपत्यकामा ५४८ जना संक्रमित थपिएका छन्।
मन्त्रालयलका अनुसार अहिले दैनिक नयाँ संक्रमित थपिने क्रममा गिरावट आएको छ भने सक्रिय संक्रमितको संख्यामा पनि कमी आएको छ।
केही समयअघि सक्रिय संक्रमितको संख्या ९२ हजारभन्दा बढी पुगेकोमा आज (आइतबार) सक्रिय संक्रमितको संख्या ५५ हजार ५३२ जना रहेको छ।
यस्तै, हाल ८७१ जना आईसीयूमा उपचाररत रहेकोमा २५० जना भेन्टिलेटरमा छन्। संस्थागत क्वारेन्टिनमा ४४४ जना रहेका छन्।
