प्युठान । प्युठान जिल्लाको मल्लरानी गाउँपालिका–३ का वडा अध्यक्ष तथा अखिल नेपाल किसान संघ प्युठान जिल्ला उपाध्यक्ष गिरिराज पौडेलकी आमा टुल्कादेवीप्रति श्रद्धाञ्जली अर्पण गरिएको छ ।
टुल्कादेवीको मृत्यु भएको आज १३औँ दिनमा उहाँकै निवास मल्लरानी ३ बर्बोटमा श्रद्धाञ्जली सभा आयोजना गरिएको हो ।
कार्यक्रममा राष्ट्रिय जनमोर्चा लुम्बिनी प्रदेश अध्यक्ष बोमबहादुर खत्रीले प्रमुख आतिथिको आसनबाट बोल्दै स्वर्गीय टुल्कादेवीको निधनले पार्टीलाई निकै क्षति पुगेको बताउनु भयो ।
‘उहाँ सधैँ हाम्रो पार्टीले लिएको विचारमा कति पनि विचलित नभइ आफ्ना दुई छोरा र पाँच छोरीहरुलाई सधैँ वर्गीय मुक्तिका लागि लाग्न अभिप्रेरित गरिरहनु हुन्थ्यो’ दत्रीले भन्नुभयो, ‘पार्टीले लिएका कार्यक्रमा सधैँ सक्रिय रुपमा सहयोग गर्नुहुन्थ्यो । त्यसैले उहाँको त्यस्तो महान विचार र उहाँको कार्यलाई पार्टीले उच्च मूल्यांकन गरेको छ ।’
कार्यक्रमा मल्लरानी गाउँपालिकाका अध्यक्ष अम्मरध्वज राना, राजमो मल्लरानीका अध्यक्ष सूर्य बहादुर सार्की, अखिल नेपाल शिक्षक संगठनका माहासचिव चक्रपाणी पौडेल, अखिल नेपाल युवक संघका केन्द्रीय सदस्य हुमलाल नेपाली, युवक संघका जिल्ला उपाध्यक्ष कमल पौडेल, जातीय समता समाजका प्रतिनिधि वसन्त सुनार लगायतको उपस्थिति रहेको थियो ।
कार्यक्रमको अध्यक्षता स्वर्गीय टुल्कादेवीका जेठा छोरा गिरिराज पौडेल र सन्चालन जीवन केसीले गर्नु भएको थियो ।
