काठमाडौँ । पछिल्लो २४ घण्टाभित्र देशभरिमा दुई हजार ६०७ जना व्यक्ति कोरोना सङ्क्रमित थपिएका छन् ।
स्वास्थ्य तथा जनसङ्ख्या मन्त्रालयका अनुसार देशभरका प्रयोगशालामा १२ हजार ४८४ जनाको पिसिआर र एन्टिजेट परीक्षण गर्दा दुई हजार ६०४ जनामा कोराना पुष्टि भएको हो ।
मन्त्रालयका अनुसार सात हजार ७७१ जनाको पिसिआर र चार हजार ७७३ जनाको एन्टिजेन परीक्षण गर्दा पिसिआरमार्फत् एक हजार ७६८ जना र एन्टिजेनमार्फत ८३९ जना सङ्क्रमित पुष्टि भएका हुन् ।
पछिल्लो २४ घण्टामा देशभर ३९ जना सङ्क्रमितको मृत्यु भएको छ । हालसम्म आठ हजार ५९७ जना सङ्क्रमितको मृत्यु भएको छ ।
गत २४ घण्टामा देशभर दुई हजार १४१ जना सङ्क्रमित निको भएका छन् । यससँगै नेपाल सङ्क्रमित निको हुने दर ८८ दशमलब ६ प्रतिशत हुन पुगेको छ ।
स्वास्थ्य मन्त्रालयका अनुसार नेपालमा हालसम्म पाँच लाख ४५ हजार ६६२ जना सङ्क्रमित निको भइसकेका छन् ।
