टोकियो । कोरोना महामारीले मानव समुदायलाई आतङ्कित त पारेकै छ, अब मानिसहरूलाई आफूसँगै भगवानको समेत चिन्ता लाग्न थालेको छ । यद्यपि बुद्ध भगवान होइनन् भन्ने सशक्त पक्ष आफ्नो ठाउँमा छ ।
पछिल्लो समयमा जापानलाई पनि कोरोनाले चपेटामा लिएको छ, जसले गर्दा त्यहाँको सरकार र जनताले स्वास्थ्य सुरक्षाका साथै खोप खरिदमा अग्रसरता देखाएका छन् ।
सोही क्रममा त्यहाँ स्वास्थ्य सुरक्षाको पक्षमा पनि तीव्र सचेतना देखिएको छ । त्यस क्रममा जापानमा बौद्ध धर्मकी एक देवीको मूर्तिको अनुहारमा गत मङ्गलबार मास्क नै लगाइएको छ ।
कोरोना भाइरस महामारी अन्त्य होस् भन्ने कामना गरेर बुद्धदेवीको मूर्तिमा मास्क लगाइएको हो ।
विशाल मास्कलाई ५७ मिटर अग्लो मूर्तिको अनुहारसम्म लगेर राख्नका लागि चार जना कामदारलाई तीन घन्टा लागेको थियो ।
दयाकी देवी कान्नोनको सेतो मूर्ति फुकुसिमा प्रिफेक्चरको होउकोकुजी आइजु बेतसुइन मन्दिरमा छ ।
उनीहरूले त्यसपछि गुलाबी जालीदार कपडाबाट बनेको मास्क मूर्तिको अनुहारको तल्लो भागमा राखेका थिए । उक्त मास्क ३५ किलोको छ । (एजेन्सी)
हेर्नुहोस् भिडियो
