काठमाडौँ । गत २४ घण्टामा नेपालमा २ हजार ८२८ जनामा कोरोना भाइरसको सङ्क्रमण पुष्टि भएको छ । १३ हजार २२ जनाको परीक्षण गर्दा सो सङ्ख्यामा सङ्क्रमण पुष्टि भएको हो ।
८ हजार ६८७ जनाको पिसिआर गर्दा २ हजार १४ र ४ हजार ३३५ जनाको एन्टिजेन गर्दा ८१४ जनामा सङ्क्रमण भेटिएको स्वास्थ्य तथा जनसङ्ख्या मन्त्रालयले जनाएको छ ।
यो अवधिमा ३ हजार ८२ जना सङ्क्रमणमुक्त भएका छन् ।
बुधबार देशभर ५२ जनाको ज्यान गएको छ । यो सहित कोरोनाका कारण ज्यान गुमाउनेको सङ्ख्या ८ हजार ५५८ पुगेको छ ।
यस्तै, काठमाडौँ उपत्यकामा ४९० जनामा कोरोना भाइरसका सङ्क्रमित थपिएका छन् । मन्त्रालयका अनुसार काठमाडौँमा ३४५, ललितपुरमा ६६ र भक्तपुरमा ७९ जनामा सङ्क्रमण पुष्टि भएको हो ।
हिजो उपत्यकामा ५४५ जनामा कोरोना भाइरसको सङ्क्रमण पुष्टि भएको थियो, जसमा काठमाडौँमा ४५५, ललितपुरमा ७४ र भक्तपुरमा १६ जना सङक्रमित फेला परेका हुन् ।
