काठमाडौं । गएको २४ घण्टामा नेपालमा ५ हजार १५३ जनामा कोरोना भाइरसको संक्रमण पुष्टि भएको छ।

१७ हजार ६७६ जनामा परीक्षण गर्दा सो संख्यामा संक्रमण पुष्टि भएको हो।

यस्तै, आज १०८ जनाको मृत्यु भएको छ। योसँगै कोरोना संक्रमणबाट निधन हुनेको संख्या ८ हजार ९८ पुगेको छ। नेपालमा मृत्यु हुने दर १.६ प्रतिशत रहेको छ ।

यो अवधिमा ६ हजार ५७० जना संक्रमणमुक्त भएका स्वास्थ्य मन्त्रालयले जनाएको छ।

हालसम्म ५ लाख ४ हजार ५३० जना संक्रमणमुक्त भइसकेका छन् । नेपालमा निको हुने दर बढेर ८४.७ प्रतिशत पुगेको छ ।

काठमाडौं उपत्यकामा १ हजार २२६ संक्रमित थपिएका छन्। जसमा काठमाडौं ८३६, ललितपुर २६९ र भक्तपुर १२१ रहेको मन्त्रालयले जनाएको छ।