काठमाडौं । विराटनगरमा भएको गाडी दुर्घटना प्रकरणमा प्रदेश १ की सांसद विन्दिया कार्कीका छोरा रविन कार्की पक्राउ परेका छन् । विराटनगरमा बिहीबार राति भएको दुर्घटनामा एक जनाको ज्यान गएको थियो ।

जिल्ला प्रहरी कार्यालय मोरङका अनुसार बिहीबार राति भएको उक्त दुर्घटनापछि रविन फरार भएका थिए । दुर्घटना हुँदा कार रविनले नै चलाएको प्रहरीले जनाएको छ । उनलाई आइतबार दिउँसो पक्राउ गरिएको हो ।

प्रदेशसभा सदस्य विन्दियाले प्रयोग गर्दै आएको प्रदेश ३–०१–००२ च २१३९ नम्बरको कारको ठक्करबाट भारतीय नागरिक ३५ वर्षीय मुकेश शर्माको मृत्यु भएको थियो । दुर्घटनामा मोरङको कटहरी गाउँपालिका–२ का २७ वर्षीय रामकुमार राजवंशी घाइते भएका थिए ।