काठमाडौँ । पछिल्लो २४ घण्टामा नेपालमा थप ५,३१६ जनामा कोरोना भाइरसको सङ्क्रमण पुष्टि भएको छ ।

स्वास्थ्य तथा जनसङ्ख्या मन्त्रालयका अनुसार यसमध्ये पिसिआर विधिबाट ४,५२४ जना र एन्टिजेन विधिबाट परीक्षण गर्दा ७९२ जनामा सङ्क्रमण पुष्टि भएको हो ।

त्यस्तै, कुल सङ्क्रमितमध्ये काठमाडौँ जिल्लामा ९६९, भक्तपुरमा १८१ र ललितपुरमा ३०६ जना गरी उपत्यकाभरि कुल १,४५६ जना सङ्क्रमित भेटिएका छन् ।

\पछिल्लो २४ घण्टामा थप १०१ जनाको मृत्यु भएको छ भने यही अवधिमा ७,२१९ जना सङ्क्रमणमुक्त भएका छन् । मन्त्रालयले योसँगै नेपालमा सङ्क्रमणमुक्त हुनेको दर ८०.८ प्रतिशत पुगेको बताएको छ ।