काठमाडौँ । नेकपा (मसाल) ले विवेकशील पार्टीका संस्थापक अध्यक्ष उज्ज्वल थापाको निधनप्रति श्रद्धाञ्जली व्यक्त गरेको छ ।

महामन्त्री मोहनविक्रम सिंहको हस्ताक्षरमा आजै (२०७८ जेठ १८) गते शोकवक्तव्य जारी गर्दै पार्टीले श्रद्धाञ्जली तथा सन्तप्त परिवार तथा पार्टीप्रति सहानुभूति प्रकट गरेको हो ।

शोकवक्तव्यमा भनिएको छ–

“विवेकशील पार्टीका संस्थापक अध्यक्ष उज्ज्वल थापाको आज भएको मृत्युको खबरले हामीलाई धेरै दुखित तुल्याएको छ । हामीले उहाँका परिवारजन तथा उहाँ सम्बन्धित पार्टीप्रति हार्दिक सहानुभुतिका साथै समवेदना प्रकट गर्दछौँ । उहाँप्रति हार्दिक श्रद्धाञ्जली व्यक्त गर्दछौँ ।”

थापाको आजै दिउसो ५ः२५ मा राजधानीको मेडिसिटी अस्पतालमा कोरोनाको उपचारकै क्रममा निधन भएको थियो ।

विवेकशील पार्टीका संस्थापक अध्यक्ष उज्वल थापाको निधन