काठमाडौं । नेपालमा गएको २४ घण्टामा ६ हजार ८५ जनामा कोरोना भाइरसको संक्रमण पुष्टि भएको छ।
१७ हजार १४७ पीसीआर र ३ हजार १८ एन्टिजेन गरी २० हजार १६५ परीक्षण गर्दा सो संख्यामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।
यो अवधिमा ६८ जनाले ज्यान गुमाएका छन्। यो सँगै कोरोना संक्रमणका कारण निधन हुनेको संख्या ७ हजार ४५२ पुगेको छ।
आज ६ हजार ८९८ जना संक्रमणमुक्त भएको स्वास्थ्य मन्त्रालयले जनाएको छ।
हिजो ४ हजार ७६२ संक्रमित थपिँदा ६ हजार ४९१ निको भएका थिए भने ११४ जनाको निधन भएको थियो।हालसम्म नेपालमा ५ लाख ६६ हजार ५८७ जनामा संक्रमण भएकोमा ४ लाख ५४ हजार ३४४ जना निको भएका छन्।
यस्तै, उपत्यकाका तीन जिल्लामा कुल १५ सय ५८ नयाँ संक्रमित भेटिएका छन् । आज काठमाडौंमा १०६०, भक्तपुरमा २१५ र ललितपुरमा २८३ जनामा संक्रमण पुष्टि भएको छ।
सोमबारको तुलनामा मंगलबार काठमाडौं उपत्यकामा कोरोना संक्रमितको संख्या बढेको छ। सोमबार १२ सय ६३ जना नयाँ संक्रमित फेला परेका थिए।
