काठमाडौँ । जातीय समता समाजले सुर्खेतका चन्द्रबहादुर नेपाली र तनहुँका नरबहादुर विकको निधन भएको श्रद्धाञ्जली तथा शोकसन्तप्त परिवारप्रति समवेदना प्रकट गरेको छ ।
अध्यक्ष राजेश विकको हस्तक्षरमा २०७८ जेठ १६ गते प्रसारित शोकवक्तव्यमा श्रद्धाञ्जली तथा समवेदना प्रकट गरिएको हो ।
शोकवक्तव्यको पूर्ण पाठ यस्तो छ–
“जातीय समता समाज सुर्खेतका पूर्व जिल्लाध्यक्ष तथा राष्ट्रिय जनमोर्चा सुर्खेतका जिल्ला सदस्य चन्द्रबहादुर नेपाली र जातीय समता समाज गण्डकी प्रदेश समितिका सदस्य, तनहुँका जिल्ला समिति अध्यक्ष तथा अखिल नेपाल युवक सङ्घ केन्द्रीय समितिका वैकल्पिक सदस्य नरबहादुर विकको हालै कोरोना महामारीका कारण दुखद निधन हुन गएकाले हाम्रो सङ्गठनलाई अपूरणीय क्षति पुग्न गएको छ । यस दुखद घडीमा मृतकद्वय चन्द्रबहादुर नेपाली र नरबहादुर विकप्रति भावपूर्ण श्रद्धाञ्जली व्यक्त गर्दै उहाँहरूको परिवार जनका साथै शोकाकुल सम्पूर्ण आफन्तजनप्रति समवेदना प्रकट गर्न चाहन्छौँ ।”
