पुष्कर भट्ट, महेन्द्रनगर ।
कञ्चनपुरको वेदकोट नगरपालिकाले कोभिड अस्पताल सञ्चालनमा ल्याएको छ । गाउँ गाउँमा कोरोना संक्रमित बढ्न थालेको र अस्पतालहरुमा चाप बढ्दै गएपछि नगरपालिकाले कोभिड अस्पताल सञ्चालमा ल्याएको हो ।

कोभिड अस्पतालको शुक्रबार एक कार्यक्रमबीच वेदकोट नगरपालिकाका प्रमुख असोक कुमार चन्दले उद्घाटन गर्नुभयो । त्यस क्रमममा नगर प्रमुख चन्दले महाकाली उपप्रदेशिक अस्पतालमा बिरामिको चाप बढेको र बाहिर जाने समयसम्म बिरामीको अवस्था जटिल भइ मृत्यु समेत हुन सक्ने सम्भावना लाइ कम गर्न वेदकोट नगरपालिकाले कोभिडको उपचार गराउने उद्देश्यले अस्पताल स्थापना गरेको बताउनुभयो ।

हाल एकजना एमबीबीएस डाक्टर र दुईजना नर्स तथा अरु दुईजना कर्मचारी राखेर अस्पताल सुरुवात गरिएको हो ।