नयाँ दिल्ली । मूल प्रवाह अखिल भारत नेपाली एकता समाजले आफ्ना नेता बिबि थापाप्रति श्रद्धाञ्जली अर्पण गरेको छ । अध्यक्ष दुर्गा बहादुर केसीले शुक्रबार शोक वक्तव्य प्रकाशित गरी थापाप्रति श्रद्धाञ्जली अर्पण गर्नुभएको हो ।
मूल प्रवाह दक्षिण भारत क्षेत्रीय समिति र बेंगलोर नगर समितिको विभिन्न जिम्मेवारीमा रहि लामो समयसम्म संगठनको जिम्मेवारी निर्वाह गर्नुभएका बिबि थापाको २१ मई २०२१ का दिन करिब १ः३० बजे दुखद निधन भएको मूल प्रवाहले जनाएको छ ।
शोक वक्तव्यमा भनिएको छ,
‘हाम्रो संगठन मूल प्रवाह अखिल भारत नेपाली एकता समाजको दक्षिण भारत क्षेत्रीय समिति र बेंगलोर नगर समितिको विभिन्न जिम्मेवारीमा रही लामो समयसम्म संगठनको जिम्मेवारी निर्वाह गर्नुभएका विवि थापाको दुःखद निधन भएको छ। वहाँ हाल बेंगलोरमा स–परिवार सहित रहँदै आउनुभएको थियो।
स्वदेश प्यूठान साविक वेलवास गाविस ७ निवासी हुनुहुन्थ्यो । वहाँ सन १९९१ देखि संगठनमा काम गर्दै आउनुभएको थियो । वहाँ लामो समयदेखि क्यानसर रोगबाट ग्रसित हुनुहुन्थ्यो । वहाँको निधनप्रति भावपूर्ण हार्दिक श्रद्धान्जली साथै शोकाकुल परिवारजन एवं शोकाकुल संगठनका सदस्यहरुप्रति समवेदना प्रकट गर्दछौं ।’
त्यस्तै मूल प्रवाह अखिल भारत नेपाली एकता समाज दक्षिण भारत क्षेत्रीय समितिका कार्यवाहक अध्यक्ष चन्द्र बहादुर थापाले बिबि थापाको दुःखद निधनप्रति भावपूर्ण हार्दिक श्रद्धान्जली साथै शोकाकुल परिवारजन एवं शोकाकुल संगठनका सदस्यहरुप्रति समवेदना प्रकट गर्नुभएको छ ।
