काठमाडौं । गएको २४ घण्टामा नेपालमा ८ हजार ३०५ जनामा कोरोना संक्रमण पुष्टि भएको छ । २२ हजार ८७ जनाको परीक्षण गर्दा सो संख्यामा संक्रमित भेटिएका स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार २१ हजार ६९५ जनाको पीसीआर गर्दा ८ हजार २२७ र ३९२ जनाको एन्टिजेन परीक्षण गर्दा ७८ जनामा संक्रमण पुष्टि भएको हो ।

यस्तै, आज १९० जनाको ज्यानको गएको छ । यो सँगै नेपालमा कोरोना संक्रमणबाट मृत्यु हुनेको संख्या ५ हजार ८४७ पुगेको छ ।

आज ६ हजार ५४३ जना संक्रमणमुक्त भएर फर्किएका छन् । हालसम्म ४ लाख ८८ हजार ६४५ जना संक्रमित भएकोमा ३ लाख ६६ हजार ९४६ जना संक्रमणमुक्त भएका मन्त्रालयले जनाएको छ ।