काठमाडौं । पछिल्लो २४ घण्टामा नेपालमा ८ हजार १६७ जनामा कोरोना भाइरसको संक्रमण पुष्टि भएको छ । १७ हजार ९७१ पीसीआर र ५७७ जनाको एन्टिजेन परीक्षण गर्दा सो संख्यामा संक्रमित भेटिएका हुन् ।

योसँगै नेपालमा संक्रमितको संख्या ४ लाख ४७ हजार ७०४ पुगेको छ ।

यस्तै, कोरोना भाइरस (कोभिड–१९) का कारण १८७ जनाको मृत्यु भएको छ । स्वास्थ्य तथा जनसंख्या मन्त्रालयका अनुसार योसँगै नेपालमा कोरोनाले मृत्यु हुनेको संख्या ४ हजार ८५६ पुगेको छ ।

पछिल्लो २४ घण्टामा ५ हजार ४५५ जनाले कोरोना जितेका छन् । यो सँगै हालसम्म निको हुनेको संख्या तीन लाख ३३ हजार १०८ पुगेको छ।

अहिले देशभर एक लाख ९ हजार ७४० सक्रिय संक्रमित रहेका छन्।