काठमाडौं । काठमाडौंमा रेमिट्यान्स सञ्चालक युवतीमाथि चक्कु पहार गरी लुटपाट भएको छ । बूढानीलकण्ठ नगरपालिका–१० बालुवाखानी साप्रेढुङ्गा नजिक रेमिट्यान्स सञ्चालन गरी बस्ने २० वर्षीया युवतीलाई चक्कु प्रहार गरी १ लाख ४ हजार ९ सय ४० रुपैयाँ लुटपाट भएको काठमाडौं प्रहरी परिसरले जनाएको छ ।

लुटपाट अभियोगमा काठमाडौं भंगाल बस्ने कञ्चनपुर भाँसी घर भएका ३६ वर्षीय सन्तोष विष्टलाई प्रहरीले पक्राउ गरेको छ। सन्तोषले ती युवतीलाई चक्कु प्रहार गरी घाइते बनाएर रेमिटबाट नगद लुटपाट गरेका हुन् ।

खबर प्राप्त हुनासाथ महानगरीय प्रहरी प्रभाग कपनबाट खटिएको प्रहरीले उनलाई पक्राउ गरेको हो। चक्कु प्रहारबाट घाइते भएकी उनलाई उपचारका लागि भंगाल करुणा अस्पताल पठाइएको र अवस्था सामान्य रहेको छ ।