काठमाडौं । नेपालमा गत २४ घण्टामा थप थप ८ हजार ४१८ जना व्यक्तिमा कोरोनाभाइरस संक्रमण पुष्टि भएको छ । १८ हजार ३ सय ४ जनाको परीक्षण गर्दा उक्त संक्रमित थपिएका हुन् ।

स्वास्थ्य तथा जनसंख्या मन्त्रालयका अनुसार शनिवार हिजोको तुलनामा संक्रमित संख्या घटेको छ । हिजो (शुक्रबार) ९ हजार १९६ जनामा संक्रमण पुष्टि भएको थियो ।

मन्त्रालयका अनुसार सो अवधिमा थप ५३ जनाको कोरोनाका कारण मृत्यु भएको छ । यो सहित हालसम्म ३ हजार ६३२ जनाको मृत्यु भइसकेको छ ।

आज ३ हजार ३७० जना संक्रमणमुक्त भएका छन् ।

सक्रिय संक्रमित संख्या ८३ हजार ४९३ पुगेको छ ।

अस्पतालमा रहेकामध्ये ७५८ जना आईसीयूमा र २३१ जना भेन्टिलेटरमा उपचाररत छन्।