काठमाडौं । नेपालमा आज अहिलेसम्मकै धेरै कोरोना संक्रमितले ज्यान गुमाएका छन् । स्वास्थ्य तथा जनसंख्या मन्त्रालयका अनुसार गएको २४ घण्टामा कोरोना संक्रमणका कारण ५५ जनाको मृत्यु भएको छ ।

यस्तै, आज ७ हजार ६६० जना संक्रमित थपिएका मन्त्रालयले जनाएको छ । १६ हजार १३१ जनाको पीसीआर तथा ५७१ जनाको एन्टिजेन गरी १७ हजार ७०२ जनाको परीक्षण गर्दा सो संख्यामा संक्रमित थपिएका हुन् ।

आज एक हजार ७७५ जना संक्रमणमुक्त भएर घर फर्किएका छन् । यस्तै, १७४ जना आईसीयूमा उपचाररत रहेकोमा ७७ जना भेन्टिलेटरमा रहेका मन्त्रालयले जनाएको छ । आजसम्म कोरोनाबाट मृत्यु हुनेको संख्या ३ हजार ४१७ पुगेको छ ।