काठमाडौं । भक्तपुरमा तीन आमाछोरी आफ्नै डेरामा अचेत अवस्थामा फेला परेका छन् । उनीहरु मध्ये एएटी छोरीको उपचारका क्रममा मृत्यु भएको छ ।
सोमबार राति काभ्रेपलाञ्चोक तिमाल गाँउपालिका ३ गुडुवाल घर भई हाल सुर्यबिनायक नगरपालिका १० मिलनचोकमा डेरा गरी बस्ने तीनजना अचेत फेला परेका थिए ।
तीमध्ये २२ वर्षीया सुनिता तामाङको मृत्यु भएको छ । उनकी आमा ४० वर्षीया शान्तीमाया तामाङ र १८ वर्षीया छोरी अनिता तामाङ बेहास् छन् । उनीहरुको उपचार भइरहेको छ।
घटनामा बेहोस भएका २ जनाको स्वास्थ्यमा क्रमिक सुधार भइरहेको तर राम्ररी बोल्न सक्ने अवस्थामा भने रहेको अस्पतालले प्रहरीलाई जानकारी दिएको छ ।
घटनाबारे जनकारी पाउनासाथ गएको प्रहरीले तीनै जनाको उद्धार गरी अस्पताल लगेको थियो । घटनाबारे थप अनुसन्धान भइरहेको महानगरीय प्रहरीले जनाएको छ ।
कोठामा बालेको कोइला रहेको, कोठा सम्पूर्ण झ्याल ढोका भित्रबाट बन्द रहेकाले अक्सिजन अभावका कारण ज्यान गएको आशंका गरिएको छ ।
