काठमाडौं । कोरोनाको ‘हटस्पट’ बनेको बाँकेको नेपालगन्जस्थित भेरी अस्पतालमा कार्यरत ७० जना स्वास्थ्यकर्मीमा कोरोना संक्रमण देखिएको छ । अस्पतालमा कार्यरत ७ चिकित्सकसहित ७० जना स्वास्थ्यकर्मीलाई कोरोना संक्रमण पुष्टि भएको अस्पताल प्रशासनले जनाएको छ।

संक्रमितमध्ये ७ जना इमर्जेन्सीमा कार्यरत चिकित्सक हुन् । कोरोना संक्रमितले भरिभराउन भएको भेरि अस्पतालमा ठूलो संख्यामा स्वास्थ्यकर्मी नै संक्रमित भएपछि उपचार प्रभावित हुने अवस्था आएको छ । भेरीमा भर्ना भएका कोभिडका बिरामीमध्ये ६० जना आईसीयूमा छन् भने १० जनालाई भेन्टिलेटरमा राखिएको छ।

अस्पतालमा हाल करिब ४ सय स्वास्थ्यकर्मी कार्यरत छन्।

अस्पतालमा जम्मा एक सय ४२ शय्या छन्। त्यहीँ दुई सय भन्दा बढी संक्रमितको उपचार भइरहेको छ। उपचार गराइरहेका मध्ये ९० प्रतिशत बिरामीको अवस्था गम्भीर रहेको ले बताएका छन् ।