काठमाडौं । मूल प्रवाह अखिल भारत नेपाली एकता समाजका नेता तेजबहादुर कार्कीको भारतको अहमदावादमा मृत्यु भएको छ । नेकपा (मसाल) का पार्टी सदस्य तेजबहादुर कार्की (क. सुरज) को मृत्युले पार्टीलाई गम्भीर क्षति पुगेको मसालले जनाएको छ ।
मंगलबार महामन्त्री मोहनविक्रम सिंहले शोक विज्ञप्ति प्रकाशित गरी कार्कीले २५ वर्षभन्दा अगाडिदेखि मूल प्रवाहमा काम गर्दै आएको स्मरण गर्दै ‘कामरेड कार्की हाम्रो पार्टीको इमान्दार, जुझारु र अनुशासित सदस्य हुनुहुन्थ्यो’ भन्नुभएको छ ।
यस्तो छ शोक वक्तव्य
कामरेड तेजबहादुर कार्की(का. सुरज)को २०७८ बैखाख १२ गते भारतको अहमदावादमा मृत्यु भएको छ । उहाँको मृत्युप्रति हामीले गहिरो दुःख प्रकट गर्दै सन्तप्त परिवारजनप्रति हार्दिक समवेदना प्रकट गर्दछौँ । उहाँ नेपाल कम्युनिस्ट पार्टी(मसाल)को सदस्य हुनुहुन्थ्यो । उहाँले २५ वर्षभन्दा अगाडिबाट भारत स्थित प्रवासी नेपालीहरूको लोकप्रिय संगठन मूलप्रवाह अखिल भारत नेपाली एकता समाजमा काम गर्दै आउनु भएको थियो । कामरेड कार्की हाम्रो पार्टीको इमान्दार, जुझारु र अनुशासित सदस्य हुनुहुन्थ्यो । उहाँको मृत्युबाट पार्टीलाई गम्भीर क्षति भएको छ ।
अन्तमा कामरेड तेजबहादुर कार्कीप्रति हार्दिक श्रद्धाञ्जली व्यक्त गर्दछौँ ।
२०७८ बैशाख १४ गते ।
मोहनविक्रम सिंह
महामन्त्री
