काठमाडौँ । नेपालमा गएको २४ घण्टामा तीन हजार ५५६ जनामा कोरोना भाइरसको सङ्क्रमण पुष्टि भएको छ ।
१२ हजार ४०० जनाको पीसीआर परीक्षण गर्दा ३४ सय ४२ र एन्टिजेन विधिबाट ८९३ को परीक्षण गर्दा ९४ जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ । योसँगै नेपालमा कुल सङ्क्रमितको सङ्ख्या ३ लाख ३ हजार ५६१ पुगेको छ ।
मन्त्रालयले गएको २४ घण्टामा १२ जनाको ज्यान गएको जनाएको छ । यो सहित मृतकको संख्या तीन हजार १७६ पुगेको छ ।
कोरोना भाइरसको हटस्पट बनेको काठमाडौँमा एकै दिन १५ सय ६७ जना संक्रमित भेटिएका छन् । त्यस्तै, ललितपुरमा २२३ र भक्तपुरमा १२२ जना संक्रमित फेला परेका छन् । त्यस्तै बाँकेमा ३०७ जना संक्रमित थपिएका छन् ।
यही अवधिमा थप ३७८ जना निको भएका छन् । नेपालमा हालसम्म निको हुनेको सङ्ख्या २ लाख ७७ हजार ९५१ रहेको छ ।
देशभर २२ हजार ४३४ जना सक्रिय सङ्क्रमित रहेका छन् जसमध्ये होमआइसोलेसनमा २० हजार ५३५, संस्थागत आइसोलेसनमा १ हजार ८९९, आईसीयूमा २६८ र भेन्टिलेटरमा ७९ रहेका छन् ।
उपत्यकामा थपिए १९ सय १२ जना कोरोना संक्रमित
पछिल्लो २४ घण्टामा काठमाडौं उपत्यकामा १९१२ जनामा कोरोना संक्रमण पुष्टि भएको छ। स्वास्थ्य मन्त्रालयका अनुसार काठमाडौंका १५६७ जना, भक्तपुरका १२२ जना र ललितपुरका २२३ जना गरी १९१२ जना कोरोना संक्रमित भेटिएका हुन्।
