खिमराज चालिसे, चण्डीगढ (भारत) ।
मूल प्रवाह अखिल नेपाली एकता समाज नगर समिति रोहतकको आयोजनामा २२ अप्रैल २०२१ का दिन अन्तर्जातीय विवाह सम्पन्न भएको छ ।

मिनबहादुर विक र सुश्री जमुना परियारमाझ सम्पन्न अन्तर्जातीय विवाहको कार्यक्रममा मूल प्रवाह अखिल भारत नेपाली एकता समाज पश्चिमोत्तर क्षेत्रीय समितिका वैकल्पिक सदस्य मनिराम अधिकारी, भिवानी नगर समितिका अध्यक्ष मोहनसिंह विक, रोहतक नगर समितिका सदस्य सुभास गौतम, महिला विभागकी नगर अध्यक्ष सीता परियारले अतिथिको आसनबाट प्रगतिशील विवाह सम्बन्धमा व्यापक चर्चा गर्दै सफल र सुखद दाम्पत्य जीवनको बधाई तथा शुभकामना दिनुभएको थियो ।

कार्यक्रम समितिकी कार्यवाहक अध्यक्ष उषा विकको अध्यक्षतामा तथा बलबहादुर विकको सञ्चालनमा सम्पन्न गरिएको थियो भने मोहनबहादुर विकले सबैलाइ स्वागत भाषणद्वारा स्वागत गर्नुभएको थियो ।