केपि विरही, युएई ।
युएई नेपाली एकता समाज अन्तर्गत महिला विभागकी केन्द्रीय कोषाध्यक्ष गोमा ढुंगानालाई विदाइ गरिएको छ । करिब एक दशक युएईमा काम गर्ने क्रममा युएई नेपाली एकता समाज अन्तर्गत महिला विभागको संस्थापक सदस्यसमेत रहनुभएकी ढुंगानालाई शुक्रबार एक कार्यक्रमको आयोजना गरी विदाइ गरिएको हो ।
युएई नेपाली एकता समाज र महिला विभाग केन्द्रीय समितिले संयुक्त रुपमा उहाँलाई सम्मानका साथ बिदाइ गरेको थियो । त्यस क्रममा ढुंगानालाई अबिर तथा दोसल्ला ओढाएर सम्मान गरिएको थियो ।
युएई नेपाली एकता समाज केन्द्रीय सदस्य चुडामणी शर्माको अध्यक्षतामा तथा सचिव केपि विरहीको सञ्चालनमा सम्पन्न कार्यक्रममा महिला विभागकी सचिव पार्वता केसीले स्वागत गर्नु भएको थियो ।
केन्द्रीय सदस्य चुडामणी शर्माले अबिर तथा दोसल्ला ओढाएर बिदाइ गर्नुभयो । युएई नेपाली एकता समाज अन्तर्गत महिला विभागकी अध्यक्ष बिनु केसीसहित विभागका पदाधिकारीहरुले उहाँलाई उपहार प्रदान गर्नुभएको थियो ।
ढुंगानाको योगदानको चर्चा गर्दै केन्द्रीय सदस्य चुडामणी शर्माले महिला विभागले एउटा कुशल होनहार सदस्यलाई बिदाई गर्दै गर्दा महिला बिभागलाइ र सिङो युएई नेपाली एकता समाजलाइ उहाँको अभाब खड्की रहने बताउनुभयो । साथै नेपाल गएर त्यहाँको अखिल नेपाल महिला संघमा आवद्ध भइ यहाँ जसरी नै सक्रिय भएर महिला हक हित र गरिखाने वर्गको पक्षमा काम गर्न सुझाब दिनु भयो ।
शुभकामना दिने वक्ताहरुमा महिला विभाग अध्यक्ष बिनु केसी, उपाध्यक्ष मिना घिमिरे, वरिस्ठ सल्लाहकार दुर्गा अधिकारी, सह सचिव निरु शर्मा, सदस्यहरु अम्बिका गैह्रे, उषा भन्डारी, जानका खनाल, दुबई क्षेत्रीय समितिका सदस्य शिबराज तिमिल्सेना लगायत हुनुहुन्थ्यो।
रुपन्देहीको सैनामैनाकी ढुंगानाले स्वदेशमा गएर पनि राष्ट्रिय जनमोर्चा सम्बद्ध अखिल नेपाल महिला संघमा काम गर्ने प्रतिबद्धता व्यक्त गर्नु भएको थियो ।
