लोकेन्द्र पौडेल, दक्षिण भारत (चेन्नै) ।
भारतमा १० वर्षदेखि बेपत्ता रहेका एक नेपालीलाई मूल प्रवाह अखिल भारत नेपाली एकता समाजले खोजी गरी फेला पारेको छ ।
केही समयअघि भेटिएका रुपन्देहीको सूर्यपुरा गाउँपालिका आनि बजार धुर्सुवा घर भएका ५२ वर्षीय चन्द्रबहादुर पुनलाई आज स्वदेश फर्काइएको छ ।
मूल प्रवाहले चन्द्रबहादुरको ब्यापक खोजी गरेको थियो । त्यसक्रममा उनी चेन्नै कुमारनगर स्थित मन्दिरमा डिउटी गरिरहेको अबस्था फेला परेका थिए ।
उनको खोजीमा मूल प्रवाह अखिल भारत नेपाली एकता समाज दक्षिण भारत क्षेत्रीय समितीका अध्यक्ष चन्द्रबहादुर थापा, बाबुराम सापकोटा र बिमल लामिछाने लगायत नेता कार्यकर्ताहरुले पहल कदमी लिनुभएको थियो ।
करिब तीन महिना अघि फेला परेका चन्द्रबहादुरलाई मूल प्रवाहले आफ्नो निगरानीमा राखेको थियो । आज २४ अप्रिल २०२१ का दिन उनलाई क्षेत्रीय अध्यक्ष चन्द्रबहादर थापाले आफन्तको जिम्मा लगाउन स्वदेश लिएर जानुभएको छ ।
