काठमाडौँ । जातीय समता समाजले केन्द्रीय सदस्य विक्रम विश्वकर्माकी आमाको निधन भएकोमा श्रद्धाञ्जली व्यक्त गरेको छ ।

समाजका अध्यक्ष राजेश विश्वकर्माको हस्ताक्षरमा २०७८ वैशाख ४ गते शोकवक्तव्य जारी गर्दै श्रद्धाञ्जली तथा शोकसन्तप्त परिवारप्रति समवेदना प्रकट गरिएको हो ।

शोकवक्तव्यको पूर्ण पाठ यस्तो छ–

“जातीय समता समाजका वैकल्पिक केन्द्रीय सदस्य तथा राष्ट्रिय जनमोर्चा कैलाली जिल्ला कोषाध्यक्ष विक्रम विश्वकर्माकी ममतामयी आमा तुलसीदेवी विश्वकर्माको उपचारको क्रममा यही २०७८ वैशाख ३ गतेका दिन ५९ वर्षको उमेरमा दुखद निधन हुन गएको खबरले हामीलाई अत्यन्त मर्माहत बनाएको छ । शोकको यस दुखद घडीमा मृतकप्रति भावपूर्ण श्रद्धाञ्जली व्यक्त गर्दै शोकाकुल सम्पूर्ण आफन्तजनप्रति समवेदना प्रकट गर्न चाहन्छौँ ।”