लोकेन्द्र पौडेल, दक्षिण भारत ।
भारतको रेल्वे सेवाबाट अवकास प्राप्त एक नेपालीको चेन्नैमा ह्रदयघातका कारण मृत्यु भएको छ । बागलुङको जैमिनी नगरपालिका वडा नं ८ छिस्ती रिठाटका ७३ वर्षीय तर्कबहादुर केसीको हृदयघातका कारण मृत्यु भएको हो ।
६ मार्चका दिन मृत्यु भएका केसीको चेन्नै अन्नानुर स्थित स्मसानघाटमा दाहसंस्कर गरिएको छ । शवयात्रामा मूल प्रवाह अखिल भारत नेपाली एकता समाजका नेता कार्यकता, आफन्त र स्थानीयको सहभागिता रहेको थियो ।
शवयात्रामा मूल प्रवाह अखिल भारत नेपाली एकता समाज का केन्द्रीय सदस्य मदन शर्मा, दक्षिण भारत क्षेत्रीय सदस्य काशिराम शर्मा, पश्चिम नगर सदस्य पदम पौडेल, गिण्डी एरिया समितिबाट विकाश शर्मा, नेपाली जन सम्पर्क समितीबाट केशव शर्मा र दुर्गाबहादुर केसी हुनुहुन्थ्यो ।
यस्तै, मूल प्रवाहका कार्यकर्ताहरु दलबहादुर केसी, तर्कबहादुर केसी, भूमिश्वर शर्मा, तर्कराज लेचा, रमेश ठकुरी, भीमबहादुर केसी, रत्न क्षेत्री, रिषिराम ढकाल, चन्द्रबहादुर केसी, दिपेन्द्र पण्डित, राहुल शर्मा, गोकुल गिरि, हिराबहादुर केसी, हर्कबहादुर खड्का, लालबहादुर केसी, सकसबहादुर केसीलगायत सहभागी हुनुहुन्थ्यो ।
केसीका दुई छोरा र तीन छोरी हुनुहुन्छ ।
