दिनेश रैदास, दाङ ।
शुक्रबार साझ दाङमा भएको सवारी दुघटनाका मृतक र घाइतेको पहिचान खुलेको छ । दुर्घटनामा परी लमही नगरपालिका वडा नम्बर ९ पैतेका २९ वर्षीय अतिराम चौधरी र सैनामैना नगरपालिका रुपेन्देहीका २८ वर्षीय यादव खनालको मृत्यु भएको हो । दुर्घटनामा परी २८ जना यात्रु घाइते भएको वडा प्रहरी कार्यालय लमहीले जनाएको छ । घाइते मध्ये एकजनाको अवस्था गम्भिर रहेको र सवारी चालक फरार रहेको प्रहरीले जानकारी दिएको छ ।
दुर्घटनामा परि लमही नगरपालिका वडा नम्बर १ का ४६ वर्षीया बेलपति तौधरी, सोही ठाउँ ७० वर्षीया लिलावति चौधरी, लमही नगरपालिका वडा नम्बर १ का ४० वर्षीया आशा चौधरी, लमही नगरपालिका वडा नम्बर २ सोनपुरका ५४ वर्षीया सीता चौधरी, ५५ वर्षीया फुजुवा चौधरी र उनकी छोरी १६ वर्षीया ववि चौधरी, लमही नगरपालिका वडा नम्बर २ का ३० वर्षीया श्यामकुमारी चौधरी, लमही नगरपालिका वडा नम्बर ५ कोलही १८ वर्षीया अनुजा चौधरी, लमही नगरपालिका वडा नम्बर ६ खैरीका ६३ वर्षीय यमराज नेपाली, ३९ वर्षीया निर्मला नेपाली, ३२ वर्षीया सुनिता नेपाली र ६१ वर्षीय जंगबहादुर घर्ती, लमही नगरपालिका वडा नम्बर ६ का २७ वर्षीय दिलु चौधरी, लमही नगरपालिका वडा नम्बर ७ का ३८ वर्षीया चन्द्रकलि चौधरी, लमही नगरपालिका वडा नम्बर ९ का ३२ वर्षीया कमल चौधरी घाइते भएका छन् ।
यस्तै राप्ती गाउँपालिका वडा नम्बर १ का २८ वर्षीया दिलकुमारी चौधरी, राजपुर गाउँपालिका वडा नम्बर १ गुरूङ्खोलाका२७ वर्षीया सावित्री वलि, २ वर्षीया रोश्नी वलि, राजपुर गाउँपालिका वडा नम्बर ४ दुलहियाका ४० वर्षीया फुलमाया घर्ती, रोल्पा परिवर्तन गाउँपालिका वडा नम्बर १ का खुरेली ५१ वर्षीय तेजप्रसाद घर्ती ५४ वर्षीया लालमाया घर्ती, घोराही उपमहानगरपालिका वडा नम्बर १५ का १८ वर्षीया अञ्जना चौधरी, २० वर्षीया आरती कुवर, २० वर्षीया सितल कुवर, मोरङका घोराही व्यारेगमा कार्यरत नेपाली सेनाका ३६ वर्षीय खड्कबहादुर श्रेष्ठ, घोरही उपमहानगरपालिका वडा नम्बर २ रामपुरका ३२ वर्षीया सुशीला पोख्रेल,१२ वर्षीय सिम्बोल सुवेदी, घोराही उपमहानगरपालिका वडा नम्बर ७ का ४५ वर्षीया श्यामकुमारी चौधरी घाईते भएको वडा प्रहरी कार्यालय लमहीले जनाएको छ ।
घोराहीबाट लमही जादै गरेको लु १ ख ९८६३ नम्बरको यात्रु बस लमही घोराही सडक खण्डको मुसोट नजिकै दुर्घटना भएको हो ।
