पुष्कर भट्ट, कञ्चनपुर ।
कञ्चनपुरको महेन्द्रनगरस्थित नेपाल विद्युत प्राधिकरणका कर्मचारीले सरकारी गाडीको चरम दुरुपयोग गरेको पाइएको छ । कर्मचारीहरु घुमघाम गर्नदेखि रक्सी सेवन गर्नसमेत कार्यालयको गाडी लिएर जाने गरेका छन् ।
शनिबार सो कार्यालयका केही कर्मचारीहरु कार्यालयको ग१ज २२९४ र से१ज ३१ नं को गाडी र बाप्र ०२-००१ प ०२०५ नं को मोटरसाइकल लिएर शुक्लाफाँटा नगरपालिका वडा नं ८ माथिको जंगल क्षेत्रमा पुगेका थिए ।
त्यहाँ उनीहरुले गाडीमै बोकेर लगेको रक्सी सेवन गरी मोजमस्ती गरेको स्थानीयले बताएका छन् ।
विदाको दिनमा समेत सरकारी गाडीको दुरुपयोग गरी विभिन्न ठेक्काका ठेकेदारहरुसँग मिलेर कर्मचारीले मोजमस्ती गरेको भन्दै सेवाग्राहीले आपत्ति जनाएका छन् । कार्यालयको गाडीको दुरुपयोग गर्ने र ठेकेदारसँग अस्वाभाविक सम्बन्ध राख्ने कर्मचारीलाई कारबाही गर्नुपर्ने एक सेवाग्राहीले नाम उल्लेख नगर्ने सर्तमा बताए ।
